వింటారా చెప్తున్నా
విధుషకున్ని నేను..
వింత జీవిని కాను..
మీలో ఒకన్ని నేను..
నవ్వించడమే పనిగా ఉన్నాను..

ఆశలు, నిరాశలు,
కోపాలు, ఏడుపులు,
ఒత్తిడిలు అన్ని మరపించి
మనసారా నవ్వించే
విధుషకున్ని నేను
వింటారా చెప్తున్నా..
నా కథని నేను..

ఎన్నో వేషాలు ధరించాను
వెక్కిరింతలెన్నో భరించాను
రెప్పల మాటున కన్నీటిని
ధారగా పోసి నవ్వుల పువ్వులు పూయించాను
ఊహ జనితం నా నవ్వు
నా ఊహను చూసి నువ్వు నవ్వు

వింతైన అవతారం
వరముగా మారిన శాపం
నా అదృష్టం..
నా బాధ కూడా ఒకరికి ఆనందం
నా ఆవేదన సైతం ఒకరికి ఆహ్లాదం
ఎన్ని బాధలు లోతున అనుచుకున్న
అందరిని నవ్వించేవాడిగా ఉంటున్న
అందరిలో ఒక్కడిగా ఉంటున్న
నేనెప్పుడు ఒంటరినే అంటున్న..
విధుషకున్ని నేను..
వేదాంతిని కాను..
నా కథని చెప్పుకున్నాను..

నీ ప్రేమ తామరాకుపై నీటి బొట్టే అని తెలిసిన..
మన స్నేహానికి ఆయువు కొన్నాళ్ళే అని ఎరిగిన..
నీ పై నా ప్రేమ
నీకై నా ధ్యానం
వెంటాడే నీ మౌనం..
మరువ తరమ.. నా మనసు వశమా??

వసంతపు పరిమళాలు కాలమంత ఉండవని
కోకిల గానం ఆపుతుందా??
మేల్కొంటే కరిగిపోతుందని అని
కనులు కలలను బహిష్కరిస్తయా??
నీతో నాకు మిగిలనవి కొన్ని క్షణాలే ఐన
నీ మనసు దాటి నువ్వు పలికిన పలుకులు
యుగాలు మారిన
నేను ఈ జగాన్ని వీడిన
మరపు ఆసాధ్యం
క్షనలున్నాయి అని నీతో మాట కలిపిన
ప్రతి క్షణం మన ఇద్దరిని మరింత దగ్గర చేస్తుంది......

నీ ప్రేరణ నాకు ఉత్తేజం
నీ స్వప్నం నాకు చూపెను మార్గం
నీ కృషి నా జీవితానికి పరిచెను రాచబాట
నీ ప్రోత్సాహం నన్ను నివ్వేరపరచింది

నువ్విచ్చిన స్వేచ్చ నాలో జీవం నింపింది
నీకోసం నువ్వు ఏనాడు ఆలోచించలేదు
నా అనే స్వార్థంతో ఏనాడు జీవించలేదు
నీ జీవితమే నాకు ఆదర్శం

ఉనికిని కోల్పోయిన వేళ
నరకానికి నా పయనం
అనుబంధాలు అసత్యాలు అయిన వేళ
నరకానికి నా పయనం

అంతు లేని దుఃఖం అలముకున్న వేళ
ఆత్మీయత అస్తిత్వం కోల్పోయిన వేళ
సాగించాను నరకానికి నా పయనం..

అనంతమైన దుఖం మహోగ్రమైన వైతరనిగా ప్రవహించగా
అలమకున్న చీకటిలో, యమ లోకపు వాకిటిలో..
విషమించిన పరిస్థితులే కింకరులై లాక్కుపోగా
మతి లేక.. మాట రాక.. ఎదిరించే శక్తి చాలక..
మౌనంగా సాగించా నరకానికి నా పయనం..

పెంచుకున్న ప్రేమ.. పంచుకున్న స్నేహం..
అల్లుకున్న అనుబంధం.. పాపంగా మారి..
నా పాలిట శాపంగా చేరి..
పాశాన్ని వేసి ప్రాణాలను హరించగా..
రోదిస్తూ సాగించా.. నరకానికి నా పయనం..

లేదు లేదు జగాన

లేదు లేదు జగాన

లేదు నిజం ఏ మూలన

ఎంతకెంత వెతికినా

అంతకంత వేదన

అంతమాత్రాన ఆగునా

అలుపెరుగని నా శోధన

తెలుగువాడి మస్తిష్కాన

తెలుగు "వాడి" రోదన

ఆంగ్లంలో భోధన

తెలుగు పై మక్కువ పడెను వెనుకన

విరామమెరుగని అన్వేషణ

సమాధాన పడకుండా ఆగునా?

శాశ్వత సత్యముకై నా అంతరాత్మ చింతన

దాని జడ తెలియనిదే లేదు నాకు నిర్యాణ.......

--------------- Srinivas

నువ్వు నా చెంతకి నడిచోచ్చిన వేళ..
నువ్వు నాతో ఉంటానని మాటిచ్చిన వేళ..
నా దురదృష్టానికి ఇంకా కాలం చెల్లిందని అనుకున్న..
ఆకాశాన్ని తకేటట్టు నాలో నేనే గళం ఎత్తి కేక పెట్ట..
అవధులు లేని ఆనందంతో అలల తరంగంలాగా ఉరకలు వేశా..

అంతలోనే విధికి కన్ను కుట్టిందో..
ఆ శనికి దురద పుట్టిందో..
ఏమిటిరా అని చూస్తే..
నన్ను విడిచి వెళ్ళిపోయింది అనుకున్న దురదృష్టం
నిజానికి నన్ను విడిచి వెళ్ళిపోలేదు..
నాకన్నా వేగంగా అది
నాకన్నా ముందరే అది
నేను చేరుకోవలనుకున్న ఆ ఆనందం చెంతకి చేరింది..
చేరి.. ఆనందాన్ని నేను అశ్వదించలేకుండా చేసింది..
స్వర్గాన్ని సైతం నా కళ్ళకు నరకంలాగా కనపడే విధంగా చేసింది..

భానుడి తొలి కాంతిలో
పసివాడి తొలి అడుగులో
పంట చేలు తొలి మొలకలో
ప్రేయసి ఇచే తొలి ముద్దులో
మది కవ్వించే అందం..వర్ణనాతీతమైన ఆనందం..

కర్షక జీవి తొలి వేతనం
ఆకలితో ఉన్న వాడికి పిడికెడు అన్నం
కన్నీరు కార్చే ఒంటరికి వెచ్చటి స్పర్స
సైనికుడికి వీర మరణం
ఏ మూల్యం కట్టలేని వరం..
అమూల్యమైన ఆనందం..