కమ్మని కన్నీరు కార్చుతాను 
కవులకై.. కవుల భావాలకై..
కమ్మని కన్నీరు కార్చుతాను 
కవితకై .. కవితా అనురక్తికై..
కష్టాలు.. ఇష్టాలు.. కలబోసి 
క్రౌర్యాలు.. సౌర్యాలు.. వడబోసి 
నాటి నుంచి నేటికొక 
పెద్ద నిచ్చెనేసి..
మంచికి.. చెడుకి.. మధ్య 
సన్నని గీత గీసి..
వివరించే.. మురిపించే..
జీవిత సారాన్ని నేర్పించే..
కవితకై కమ్మని కన్నీరు అర్పిస్తాను..

కలలు కనలేని కనులుండి 

ఏం లాభం అన్నాడు ఒక కవి 

కలలకు కొలతలు, హద్దులు 

లేవన్నాడు వేరొక కవి..

కలతలే నెలవైన మదిలో 

కలలకు చోటెక్కడ??

కనులు కునికే నిసిధిలో సైతం 

కలవరింతలే జోల పాడితే 

ఏ కలలో కనలి నా కలను ??